راولپنڈی (ڈیلی اردو) آرمی چیف جنرل قمر جاوید باجوہ نے کہا ہے کہ مادر وطن کے دفاع کے لیے جان سے بڑھ کر کوئی قربانی نہیں ہے، ملک میں امن و استحکام شہدا اورغازیوں کی مرہون منت ہے۔
پاک فوج کے شعبہ تعلقات عامہ (آئی ایس پی آر) کے مطابق شہیدوں، غازیوں کو اعزازات دینے کے لیے جی ایچ کیو میں تقریب کا انعقاد کیا گیا، آرمی چیف نے شہدا کی قربانیوں اور بہادری کو سراہا، جنرل قمر جاوید باجوہ نے قوم کے تعاون، جرأت کی بھی تعریف کی۔
Investiture Ceremony held at GHQ. Shaheeds and Ghazis of last year conferred with gallantry awards. COAS shared strength behind motivation and achievements of Pakistan Armed Forces. Acknowledging their support thanked resilient Pakistani Nation.#PakistanZindabad pic.twitter.com/obDhw2XJ8C
— DG ISPR (@OfficialDGISPR) April 10, 2019
آرمی چیف جنرل قمر جاوید باجوہ نے کہا کہ مادر وطن کو خراج عقیدت پیش کرنے کے لیے جمع ہوئے ہیں، لوگ پوچھتے ہیں دہشت گردی کے خلاف کیسے کامیابی حاصل کی، ہمارے شہدا اور غازی ہی اصل ہیروز ہیں
جنرل قمر جاوید باجوہ نے شہدا کی قربانیوں اور بہادری کو سراہا اورقوم کے تعاون اور جرات کی تعریف کی، آرمی چیف کا کہنا تھا کہ مادروطن کوخراج تحسین پیش کرنےکےلیےاکٹھےہوئے ہیں، جانوں کی پرواہ کیے بغیر افسروں اور جوانوں نے امن و استحکام کیلئے قربانیا ں دیں، یہ قربانیاں دینے والے ہی ہمارے ہیرو ہیں۔
سربراہ پاک فوج نے کہا کہ لوگ پوچھتےہیں کہ دہشت گردی کے خلاف کیسےکامیابی حاصل کی؟ ملک میں امن وامان غازیوں اورشہداء کی مرہون منت ہے، مادر وطن کے دفاع میں زندگی قربان کرنے سے زیادہ کوئی اور عظیم مقصد نہیں، وطن کیلئے دی گئی قربانیاں رائیگاں نہیں جائیں گی۔
آرمی چیف نے شہدا کے اہل خانہ کی جرأت اور بہادری کو سلام پیش کیا، آئی ایس پی آر کے مطابق شہدا کے لواحقین نے اعزازات وصول کیے۔
