بیروت (ڈیلی اردو) اسرائیلی فوج کے مطابق لبنان کے شہر صیدا میں کیے گئے ایک ٹارگٹڈ حملے کے دوران حماس کے رہنما حسن فرحات کو بچوں سمیت ہلاک کر دیا گیا۔ اسرائیلی فوج کے مطابق، یہ حملہ رات کے وقت کیا گیا، جس میں حسن فرحات اور ان کے بیٹے اور بیٹی کی ہلاکت کی تصدیق کی گئی ہے۔
لبنانی وزیرِ اعظم نے اس حملے کی شدید مذمت کرتے ہوئے اسے “لبنانی خود مختاری پر کھلا حملہ” اور اسرائیل کے ساتھ 27 نومبر کی جنگ بندی کی خلاف ورزی قرار دیا ہے۔
رپورٹس کے مطابق، اسرائیلی حملے سے متاثرہ فلیٹ کی چوتھی منزل پر آگ لگ گئی تھی، جس سے ارد گرد کی عمارتوں کو شدید نقصان پہنچا اور گنجان آباد علاقے میں خوف و ہراس پھیل گیا۔
اسرائیلی فوج نے الزام لگایا ہے کہ حسن فرحات نے اکتوبر 2023 میں غزہ میں جنگ شروع ہونے کے دوران اسرائیلی فوجیوں اور شہریوں پر متعدد حملوں کی منصوبہ بندی کی تھی۔
