اسلام آباد (شبیر حسین طوری) سانحہ ساہیوال پر لاہور میں ان کیمرا بریفنگ ہوئی، ایڈیشنل چیف سیکریٹری داخلہ نے ارکان پنجاب اسمبلی کو واقعہ سے متعلق حقائق سے آگاہ کیا۔
ایڈیشنل چیف سیکریٹری داخلہ نے کہا کہ یہ آپریشن ذوالفقار کا تسلسل ہے، ذیشان جاوید عالمی دہشت گرد تنظیم داعش کے عبد الرحمان گروپ کا سہولت کار تھا۔ اسی گروپ نے ریٹائرڈ بریگیڈیئر طاہر مسعود اور پیپلز پارٹی کے سابق وزیراعظم سید یوسف رضا گیلانی کے بیٹے علی حیدر گیلانی کو بھی اغوا کیا۔
انھوں نے بتایا کہ عبد الحفیظ نائب امیر، عثمان ہارون، کاشف چھوٹو، رضوان اکرم سمیت دیگر گروپ کا حصہ تھے، دہشت گرد تنظیم داعش کا غیر ملکی شہری اور سابق چیف جسٹس آف پاکستان تصدق حسین جیلانی کے بھتیجے انسپکٹر عمر مبین جیلانی اور انسپکٹر یاسر کے اغوا اور قتل میں ملوث تھا۔
انھوں نے مزید بتایا کہ اسی گروپ نے ریٹائرڈ بریگیڈیئر طاہر مسعود اور علی حیدر گیلانی کو بھی اغوا کیا۔
