آبنائے ہرمز میں ایران اور امریکہ میں جھڑپ، یو اے ای پر ایرانی میزائل و ڈرون حملے

تہران/واشنگٹن (ڈیلی اردو) ایران جنگ میں غیر معینہ مدت کی موجودہ فائر بندی کے دوران آبنائے ہرمز میں امریکی اور ایرانی فورسز کے مابین نئی جھڑپ اور متحدہ عرب امارات پر نئے ایرانی میزائل اور ڈرون حملوں سے خطے میں کشیدگی میں پھر اضافہ ہو گیا ہے۔

ایران اور امریکہ کے درمیان پاکستان کی ثالثی میں وہ بالواسطہ رابطے ابھی تک جاری ہیں، جن کا مقصد امریکہ اور اسرائیل کی ایران کے خلاف جنگ میں موجودہ فائر بندی سے آگے بڑھتے ہوئے کسی جنگ بندی ڈیل تک پہنچنا ہے۔

تاہم اس سیزفائر کے دوران کل جمعرات کی رات امریکہ اور ایران کی بحری فورسز کے مابین آبنائے ہرمز میں نئی جھڑپ بھی ہوئی۔ یہ نیا عسکری تناؤ اس وقت پیدا ہوا جب امریکہ نے یہ دعویٰ کیا کہ اس نے آبنائے ہرمز کے سمندری علاقے میں اپنے تین بحری جہازوں پر کیے جانے والے حملے ناکام بنا دیے، جن کے بعد ایرانی عسکری تنصیبات پر جوابی بھی کارروائی کی گئی۔