اسرائیلی فوج نے فلسطینی نوجوان کے سر میں گولی مار دی

الخلیل (ڈیلی اردو) اسرائیلی فوج نے مقبوضہ مغربی کنارے کے جنوبی شہر الخلیل میں ایک فلسطینی نوجوان کے سر میں گولی مار دی جس کے نتیجے میں وہ شدید زخمی ہوگیا۔

مرکز اطلاعات فلسطین کے مطابق یہ واقعہ جنوبی الخلیل کے علاقے مسافر یطا میں لتوانہ کے مقام پر پیش آیا۔

مقامی ذرائع کا کہنا ہے کہ فلسطینی نوجوان 24 سالہ ہارون رسمی ابو عرام راستے میں چل رہا تھا کہ اسرائیلی فوجیوں‌نے اسے گولیاں ماریں۔ ایک گولی اس کے سرمیں لگی جس کے نتیجے میں وہ شدید زخمی ہوگیا۔ زخمی ہونےوالے نوجوان کو اسپتال منتقل کیا گیا ہے جہاں اس کی حالت خطرے میں بیان کی جاتی ہے۔

عینی شاہدین کا کہنا ہے کہ ابو عرام کو انتہائی قریب سے نشانہ بنا کر گولی مار گئی۔