اسرائیلی پولیس کی فائرنگ سے فلسطینی نوجوان ہلاک، 2 زخمی

مقبوضہ بیت المقدس (ڈیلی اردو) فلسطین کے شمالی علاقے جزیرہ نما النقب میں دریجات کے مقام پر اسرائیلی پولیس اہلکاروں نے ایک 21 سالہ فلسطینی نوجوان صائب عوض اللہ ابو حماد کو گولیاں مار کر ہلاک کر دیا۔ اسرائیلی پولیس نے اسے پولیس مقابلے میں ہلاکت جب کہ نوجوان کے اہل خانہ نے اسے ماورائے عدالت قتل قرار دیا ہے۔

مقتل الشاب صائب عوض الله أبو حماد (21 عاما)، في جريمة إطلاق نار خلال شجار بقرية دريجات، شمال النقب، مساء أمس. pic.twitter.com/xsdXcO7mRC

— فلسطين بوست (@PalpostN) January 9, 2021

عینی شاہدین نے بتایا کہ اسرائیلی پولیس اہلکاروں نے ابو حماد کو اس وقت گولیاں ماریں جب ابو حماد اور کچھ دوسرے افراد کے درمیان جگڑا ہوا۔

اسرائیلی فوج کی فائرنگ سے دو دیگر افراد زخمی ہوئے ہیں۔ انہیں بئر سبع کے سوروکا ہسپتال منتقل کیا گیا ہے۔

ادھر اسرائیلی پولیس کا کہنا ہے کہ اس نے حماد کے ساتھ لڑنے والے 25 سالہ شخص کو گرفتار کیا ہے۔