امریکہ کی ایران کے دفاعی سپلائی نیٹ ورک پر نئی پابندیاں

واشنگٹن (نمائندہ ڈیلی اردو) امریکہ نے ایران کے دفاعی ٹیکنالوجی سپلائی نیٹ ورک پر نئی پابندیاں عائد کر دی ہیں۔

امریکی محکمہ خزانہ کے مطابق تازہ پابندیوں کے تحت ایک ایسے نیٹ ورک کو نشانہ بنایا گیا ہے جو ایران کے دفاعی شعبے کے لیے حساس ٹیکنالوجی اور آلات کی فراہمی سے منسلک تھا۔

امریکی محکمہ خزانہ کا کہنا ہے کہ یہ نیٹ ورک علی مجد سپہر کی سربراہی میں کام کر رہا تھا اور اس سے وابستہ افراد نے جدید ٹیکنالوجی اور سکیورٹی آلات حاصل کیے، جن میں فریکوئنسی سپیکٹرم اینالائزرز بھی شامل تھے۔

محکمہ خزانہ کے مطابق حاصل کیے گئے آلات بعد ازاں دبئی میں موجود ثالثوں کے ذریعے ایران منتقل کیے گئے۔

واشنگٹن کا کہنا ہے کہ ان سرگرمیوں کے باعث ایران کی دفاعی صلاحیتوں کو تقویت ملی، جبکہ ان اقدامات کو امریکی پابندیوں کی خلاف ورزی قرار دیا گیا ہے۔