امریکی خفیہ ایجنسی سی آئی اے کے ڈائریکٹر کی اسرائیلی وزیراعظم سے اہم ملاقات

واشنگٹن (ڈیلی اردو) امریکی خفیہ ایجنسی سی آئی اے کے ڈائریکٹر بل برنز گزشتہ روز تل ابیب پہنچے، انہوں نے وزیراعظم نیتن یاہو اور موساد سربراہ ڈیوڈ بارنیا سے ملاقاتیں کیں۔

CIA Director, William Burns meets with #Mossad director David Barnea in #Israel.

Visit focuses on #Iran as Jerusalem & Washington continue to upgrade military & Intelligence coordination vs. Criminal Mullahs.@ODNIgov @CIA @IsraelWarRoom @IsraelPersian pic.twitter.com/u1uoU0mVax

— Erfan Fard (@EQfard) January 27, 2023

غیر ملکی میڈیا کے مطابق سی آئی اے چیف فلسطینی رہنماؤں سے بھی ملاقات کریں گے۔

ان کا دورہ اسرائیل پہلے سے طے شدہ تھا لیکن اسرائیل اور فلسطینیوں کے درمیان مغربی کنارے اور غزہ میں جاری شدید تناؤ کی وجہ سے تاخیر کا شکار ہوا۔

امریکی سیکیورٹی کوآرڈینیٹر لیفٹیننٹ جنرل مائیکل فینزل اور سی آئی اے، اسرائیل اور فلسطین کے درمیان سیکیورٹی و انٹیلیجنس تعاون میں بھی کردار ادا کرتے ہیں۔

امریکی انٹیلیجنس چیف نے اپنے دورہ مشرق وسطیٰ میں پیر کے روز مصر کے صدر فتح السیسی سے بھی ملاقات کی تھی۔

امریکا کے سیکرٹری خارجہ انٹونی بلنکن اگلے ہفتے مشرق وسطیٰ کا دورہ کریں گے، وہ پیر کو اسرائیل جبکہ منگل کو مغربی کنارے جائیں گے۔