باجوڑ میں دھماکا، تحصیل ناظم سمیت 3 افراد زخمی، داعش نے ذمہ داری قبول کرلی

اسلام آباد (ش ح ط) صوبہ خیبر پختونخوا کے قبائلی ضلع باجوڑ کی تحصیل سالار زئی میں ایک بم دھماکے میں تحصیل ناظم سمیت 3 افراد زخمی ہوگئے۔

4 people including a JUI-F politician wounded in roadside bombing in Pakistan's Bajaur tribal district. https://t.co/J2njqMyzel

— Tom Hussain (@tomthehack) August 15, 2022

پولیس کے مطابق باجوڑ کی تحصیل سالار زئی کے علاقے چینار میں بم دھماکے میں جماعت جمیعت علمائے اسلام کے نائب امیر اور تحصیل ناظم خار حاجی سید بادشاہ سمیت 3 افراد زخمی ہوگئے۔

باجوڑ پولیس نے ابتدائی معلومات کی بنیاد پر بتایا کہ واقعہ صبح نو بجے کے قریب پیش آیا جب حاجی سید باچا اپنے بھتیجے اور ساتھی مولانا ضیاء اللہ جان حقانی کے ساتھ ایک جنازے سے واپس گھر جا رہے تھے۔

پولیس کے مطابق بم راستے میں نصب تھا جس سے چیئرمین کی گاڑی ٹکرا گئی۔ پولیس کے مطابق دھماکے کی نوعیت شدید تھی جس سے گاڑی کو شدید نقصان پہنچا۔

پولیس نے علاقے کو گھیرے میں لے کر مزید تفتیش شروع کر دی۔

دوسری جانب عالمی شدت پسند تنظیم داعش خراسان نے بم حملے کی ذمہ داری قبول کرلی ہے۔

Islamic State Khorasan branch (ISIS-K) claimed responsibility of detonating an explosive device on the vehicle of a leader of (an apostate) Pakistani political party in the Salarzi, Bajaur; which led to the injury of him & his companions & damaging of vehicle. pic.twitter.com/z3907M7p9Q

— Saleem Mehsud (@SaleemMehsud) August 15, 2022

خیال رہے کہ اس سے قبل بھی باجوڑ میں جمعیت علمائے اسلام کے تین افراد ٹارگٹ کئے جا چکے ہیں جس کی ذمہ داری داعش نے قبول کی تھی۔