بلوچستان: بولان خودکش دھماکے کا مقدمہ نامعلوم ملزمان کے خلاف درج

👁️ 29 بار دیکھا گیا

ایڈمن

امریکا

کوئٹہ (ڈیلی اردو) صوبہ بلوچستان کے ضلع بولان میں ہونے والے خودکش دھماکے کا مقدمہ نامعلوم ملزمان کے خلاف درج کر لیا گیا۔

سی ٹی ڈی حکام کے مطابق مقدمہ انسداد دہشت گردی ایکٹ، قتل، اقدام قتل سمیت مختلف دفعات کے تحت درج کیا گیا۔

حکام کا کہنا ہے کہ خودکش حملہ آور کی شناخت کے لیے نادرا سے ڈیٹا طلب کر لیا گیا ہے۔

سی ٹی ڈی حکام نے کہا کہ حملہ آور کے جسمانی اعضاء فرانزک کے لیے بجھوائے جا رہے ہیں، واقعے کی مختلف پہلوؤں سے تحقیقات جاری ہیں۔

یاد رہے کہ بولان دھماکے میں 10 اہلکار ہلاک اور 8 افراد زخمی ہوئے تھے پولیس حکام نے کہا تھا کہ دھماکے میں پولیس ٹرک کو نشانہ بنایا گیا ہے۔