بولیویا کے صدر سیاسی پناہ کیلئے ارجنٹائن پہنچ گئے

بیونس آئرس (ڈیلی اردو) بولیویا کے سابق صدر ایوو مورالیز سیاسی پناہ کے لیے ارجنٹائن پہنچ گئے۔

تفصیلات کے مطابق 14سالہ اقتدار میں رہنے والے بولیویا کے سابق صدر ایوومورالیز سیاسی پناہ کے حصول کے لئے گزشتہ روز ارجنٹائن کے دارالحکومت بیونس آئرس پہنچ گئے۔

عالمی میڈیا کے مطابق ارجنٹائن کے وزیر خارجہ فیلیپ سولا نے اعلان کیا ہے کہ ایوومورالیز پناہ گزین کی حیثیت سے ارجنٹائن میں قیام کے لئے آرہے ہیں اور یہاں انہیں مہاجر کا درجہ حاصل ہوگا۔

وزیر نے مزید بتایا تھا کہ ابتدائی طور پر ایوومورالیز کو میکسیکو نے سیاسی پناہ کی پیش کش کی تھی لیکن وہ یہاں زیادہ راحت محسوس کرتے ہیں۔

بولیویا کے وزیر خارجہ کیرن لانگارک نے ارجنٹائن کو متنبہ کیا کہ سابق صدر کو عوامی سیاسی سرگرمیوں کی اجازت نہیں ہونی چاہئے۔