بھارتی فوج کی نکیال سیکٹر پر بلا اشتعال فائرنگ، 2 خواتین سمیت 5 پاکستانی شہری زخمی

راولپنڈی (ڈیلی اردو) بھارتی فوج نے ایک بار پھر کنٹرول لائن پر جنگ بندی معاہدے کی خلاف ورزی کرتے ہوئے سول آبادی پر بلا اشتعال فائرنگ کی، جس کے نتیجے میں دو بزرگ خواتین سمیت پانچ پاکستانی شہری زخمی ہوگئے۔

ڈی جی آئی ایس پی آر میجر جنرل بابر افتخار کی جانب سے سماجی رابطوں کی ویب سائٹ ٹویٹر پر جاری ایک بیان میں بتایا گیا کہ بھارتی فوج نے گزشتہ رات ایل او سی کے نکیال سیکٹر پر بلا اشتعال فائرنگ کی، بھارتی فوج کی جانب سے سول آبادی پر فائرنگ کے نتیجے میں 2 بزرگ خواتین اور 2 لڑکوں سمیت 5 افراد زخمی ہو گئے، جنہیں ہسپتال منتقل کر دیا گیا ہے۔

5 Civilians including 2 innocent boys and 2 elderly women got injured, due to Indian Army troops unprovoked ceasefire violation in Nikial Sector along #LOC, targeting civil population late last night. Pakistan Army troops responded effectively to Indian firing.

— DG ISPR (@OfficialDGISPR) July 6, 2020

ڈی جی آئی ایس پی آر کے مطابق پاک فوج نے بھارتی فوج کی فائرنگ کا موثر انداز میں جواب دیا.۔