جامشورو میں سی ٹی ڈی کی کارروائی، سندھ ریوولوشن آرمی کا دہشت گرد گرفتار

حیدر آباد (ڈیلی اردو) صوبہ سندھ کے ضلع جامشورو میں کاؤنٹر ٹیررازم ڈیپارٹمنٹ حیدر آباد نے گوٹھ یوسف میں چھاپہ مارکر کالعدم تنظیم سندھ ریوولوشن آرمی (ایس آراے) کے دہشت گرد کو دستی بم سمیت گرفتار کرلیا۔

ترجمان سی ٹی ڈی کے مطابق سی ٹی ڈی نے کارروائی جامشورو تھرمل پاور ہاؤس کی ہائی ٹرانسمیشن لائنوں کے قریب کی جہاں سے دہشت گرد سجاد احمد ملاح کو گرفتار کیا۔

حکام کے مطابق ملزم ہائی ٹرانسمیشن لائن کو بم سے اڑانا چاہتا تھا۔

سی ٹی ڈی کا کہنا ہے کہ کارروائی کے دوران ساتھی فرار ہونے میں کامیاب ہو گئے جن کی تلاش جاری ہے، گرفتار دہشتگرد کالعدم تنظیم سندھ ریوولوشن آرمی (ایس آراے) کا سرگرم رکن ہے، قبضے سے دستی بم برآمد کر لیا، دہشتگرد کے خلاف مقدمہ درج کر کے مزید تحقیقات کیلئے نامعلوم مقام پر منتقل کر دیا۔