جمرود : نامعلوم مسلح افراد نے جبہ ڈیم سے 3 چوکیدار اغوا کرلئے

جمرود(ڈیلی اردو) خیبرپختونخواہ کے شورش زدہ ضلع خیبر کے علاقہ جمرود کے علاقے میں جبہ ڈیم پر تعمیراتی منصوبے کی نگرانی اور سامان کی حفاظت پر مامور تین چوکیداروں کو نامعلوم مسلح افراد نے مبینہ طور پر اغوا کرلیا۔

ذرائع کے مطابق واقعہ 25 اگست کی شب پیش آیا، جب مسلح افراد نے جبہ ڈیم کے مقام پر موجود چوکیداروں کو اسلحے کے زور پر اپنے قبضے میں لیا اور انہیں اپنے ساتھ لے گئے۔

مغویوں کی شناخت ممتاز ولد سیپور، مینا گل ولد خیوا گل اور سدیاس ولد نور وزیر کے نام سے ہوئی ہے، جبکہ ذرائع کے مطابق تینوں افراد کا تعلق اسماعیل خیل قبیلے سے ہے۔

واقعے کی اطلاع ملنے کے بعد علاقے میں تشویش پائی جاتی ہے۔ مغوی چوکیداروں کی بازیابی کے لیے متعلقہ اداروں کی جانب سے اقدامات شروع کیے جانے کی اطلاعات ہیں، جبکہ واقعے کے محرکات اور اغوا کاروں کی شناخت کے حوالے سے تحقیقات جاری ہیں۔