جنوبی وزیرستان سے اغوا ہونے والے قبائلی رہنما کی لاش برآمد

میران شاہ (نمائندہ ڈیلی اردو) صوبہ خیبر پختونخوا کے قبائلی ضلع جنوبی وزیرستان کے سرکردہ قبائلی رہنما ملک شاہ جہان عبدالائی کو نامعلوم مسلح افراد نے اغواء کرنے کے بعد قتل کردیا گیا ۔

تفصیلات کے مطابق جنوبی وزیرستان کے سب ڈویژن لدھا کی تحصیل مکین میں گزشتہ شام نامعلوم مسلح افراد نے سرکردہ قبائلی رہنما ملک شاہ جہان عبدالائی کو اولڈ مکین کے علاقہ دشکہ کے مقام پر گاڑی سے آتار کر اغواء کرکے نامعلوم مقام کی جانب لے گئے تھے۔ آج الصبح اسکی لاش قریبی ویرانے سے برآمد ہوئی۔

ادھر جنوبی وزیرستان کے علاقے مکین کے علاقے سے ایک اور نوجوان کی لاش بر آمد ہوئی ہے، پولیس کے مطابق
نوجوان کی شناخت محمد دین ولد نور رحمن کے نام سے ہوئی ہے۔