جنوبی وزیرستان میں دہشت گردوں نے سرکاری اسکول اڑا دیا

وانا (نمائندہ ڈیلی اردو) ہاکستان کے شورش زدہ صوبے خیبر پختونخوا کے قبائلی ضلع جنوبی وزیرستان میں  دہشت گردوں نے ایک سرکاری اسکول کو بارودی مواد سے اڑا دیا۔

پولیس ذرائع کے مطابق تحصیل برمل میں ہونے والے دھماکے سے گورنمنٹ مڈل اسکول شریف خان کوٹ کے دو کمرے، غسل خانے، مرکزی دروازہ اور ایک جانب کی چار دیواری مکمل طور پر تباہ ہو گئی، جبکہ قریبی گھروں کو بھی نقصان پہنچا۔

ذرائع نے بتایا کہ دھماکے میں کوئی جانی نقصان نہیں ہوا۔

واضح رہے کہ اس سے قبل بھی دہشت گردوں نے گورنمنٹ ہائی اسکول اعظم ورسک کو بارودی مواد سے دھماکے کے ذریعے تباہ کر دیا تھا۔

پولیس نے علاقے میں حفاظتی اقدامات اور تحقیقات شروع کر دی ہیں۔