خلیج میں امریکی کارروائی، ایرانی کارگو جہاز تحویل میں لے لیا گیا

واشنگٹن (ڈیلی اردو) امریکی صدر ڈونلڈ ٹرمپ نے کہا ہے کہ خلیج میں امریکی بحری ناکہ بندی کے دوران ایران کے پرچم بردار ایک کارگو جہاز کو روک لیا گیا۔

ٹرمپ نے اپنے سوشل میڈیا پلیٹ فارم ’ٹروتھ سوشل‘ پر بتایا کہ ’توسکا‘ نامی جہاز نے رکنے کی وارننگ پر عمل نہیں کیا جس کے بعد امریکی بحریہ نے اسے تحویل میں لے لیا۔

ایران نے اس کارروائی کو جنگ بندی کی خلاف ورزی قرار دیتے ہوئے اسے ’مسلح بحری ڈکیتی‘ کہا ہے اور ردعمل دینے کا عندیہ دیا ہے۔

امریکی سینٹرل کمانڈ نے واقعے کی ویڈیو بھی جاری کی ہے جس میں ایک بحری جہاز کو ایرانی کارگو شپ کو روکتے اور اس کی جانب فائرنگ کرتے ہوئے دیکھا جا سکتا ہے۔

ایران کے خاتم الانبیا مرکزی ہیڈکوارٹر کے ترجمان کرنل ابراہیم ذوالفقاری نے کہا ہے کہ امریکی فورسز نے بحیرہ عمان میں ایرانی تجارتی جہاز پر فائرنگ کی، اس کے نیویگیشن سسٹم کو ناکارہ بنایا اور مسلح اہلکار جہاز پر اتارے، جو جنگ بندی کی کھلی خلاف ورزی ہے۔