خیبر: وادی تیراہ میں ایف سی چیک پوسٹ پر حملہ، دو اہلکار ہلاک

اسلام آباد (ش ح ط) صوبہ خیبر پختونخوا کے قبائلی ضلع خیبر کی دور افتادہ وادی تیراہ میں سکیورٹی فورسز کی چیک پوسٹ پر نامعلوم مسلح افراد کے حملے میں سکیورٹی فورسز کے دو اہلکار ہلاک ہوگئے ہیں۔

Soldier killed in a gun attack in Tirah. #Pakistan https://t.co/44LMdc2bWW

— FJ (@Natsecjeff) June 9, 2023

یہ حملہ جمعہ کی رات کو اُس وقت ہوا جب نامعلوم مسلح افراد نے باغ کے علاقے میں چیک پوسٹ پر دھوا بولا۔

مقامی ذرائع کے مطابق دہشت گردوں نے سکیورٹی فورسز کی چیک پوسٹ پر فائرنگ کی جس سے وہاں تعینات دو اہلکار ہلاک ہوگئے۔

ہلاک ہونے والے اہلکاروں کی شناخت فضل حیات اور علی خان آفریدی کے نام سے ہوئی ہے۔

مقامی ذرائع کا کہنا ہے کہ واقعے کے بعد سکیورٹی فورسز نے جائے وقوعہ اور اردگرد کے علاقوں میں سرچ آپریشن کا آغاز کردیا ہے۔

سرکاری سطح پر اس حملے کے حوالے سے کوئی بیان جاری نہیں کیا گیا ہے۔

دوسری جانب کالعدم تنظیم تحریک طالبان پاکستان نےحملے کی ذمہ داری قبول کرلی۔