خیبر پختونخوا: قبائلی اضلاع میں 25 ٹی ایم اوز تعینات، نوٹیفیکشن جاری

پشاور (ڈیلی اردو) خیبر پختونخوا حکومت نے قبائلی اضلاع میں 25 ٹی ایم اوز کی تعیناتی سمیت محکمہ بلدیات کے 44 افسروں کی تقرریوں و تبادلوں کے احکامات جاری کئے ہیں۔

گریڈ 16 اور 17 کے افسروں کو ٹی ایم اوز لگایا گیا ہے۔ دیگر تبدیل ہونے والوں میں گریڈ 18 اور 19 کے افسر بھی شامل ہیں۔

اس ضمن میں جاری الگ الگ اعلامیوں کے مطابق تنزیل حسین کو اپر کرم، بہار حسین لوئر کرم، ناہید حسین سنٹرل کرم، عمر حیات میرانشاہ، شیر افضل میر علی، منور زمان رزمک، امداد خان نواگئی، محمد فیاض خار، فرید اللہ شاہ وانا، ماجد خان لدھا، محمد اشفاق سرواکئ، نصیر احمد جمرود، شہباز خان لنڈی کوتل، عامر زیب باڑہ، محمد اعجاز اپر مومند، سہیل احمد لوئر مومند، اخلاق حسین بیزئی مومند، عبدالعلی اپر اورکزئی، شفیل خان لوئر اورکزئی، عبدالوسیم جنڈولہ، سبزعلی بیٹنی، عطاء اللہ درزندہ، نصر اللہ خان وزیر، عزیز الرحمن کو حسن خیل اور گل ولی خان کو درہ آدم خیل کے ٹی ایم اوز تعینات کیا گیا ہے۔

دیگر تبدیل ہونے والوں میں ٹی او ایف، ٹی او آئی، ایس ای، اے او، ٹی او آر، اے او، سپرنٹنڈنٹ، ڈی ایس ریگولیشن اور ڈی ایس ایم اینڈ ای شامل ہیں۔