خیبر پختونخوا: لوئر دیر میں چیک پوسٹ پر حملہ، پولیس اہلکار ہلاک

لوئر دیر (ڈیلی اردو) صوبہ خیبر پختونخوا کے ضلع لوئردیر میں خال سچہ میرہ پولیس چیک پوسٹ پر نامعلوم مسلح افراد کی فائرنگ سے ایک پولیس اہلکار ہلاک ہوگیا۔

تفصیلات کے مطابق گزشتہ رات خال سچہ میرہ پولیس چیک پوسٹ پر سپاہی حسین سکنہ تالاش چینو ڈیوٹی پر مامور تھا کہ اسی اثنا ء میں نامعلوم مسلح افراد نے پولیس چیک پوسٹ پر فائرنگ کی جسکے نتیجے سپاہی حسین شدید زخمی ہوگیا اطلاع ملتے ہی پولیس کی بھاری نفری اور علاقے کے عوام جائے وقوعہ پر پہنچ گئے اور انہوں نے زخمی پولیس اہلکار حسین کو ڈسڑکٹ ہیڈ کوارٹر ہسپتال تیمرگرہ منتقل کیا جہاں وہ زخموں کی تاب نہ لاکر چل بسے۔

پولیس نے اس سلسلے میں نامعلوم افرادکے خلاف مقدمہ درج کرکے تفتیش شروع کی.

ادھر پولیس اہلکار حسین کی نمازہ جنازہ پولیس لائن تیمرگرہ میں اداکی گئی جس میں کمانڈنٹ دیرٹاسک فورس کرنل مجتبیٰ حیدر، ڈپٹی کمشنر دیر لوئر عون حیدر گوندل، ڈسٹرکٹ پولیس آفیسر لیاقت علی ملک، دیگر اعلیٰ پولیس و فوجی افسران مقامی عمائدین نے کثیر تعداد میں شرکت کی اس موقع پر پولیس کے چاق و چوبند دستے نے سلامی پیش کی۔ اہلکار کو بعدازاں آبائی قبرستان چینوتالاش میں سپر دخاک کردیا گیا۔