دہشت گردی کا خطرہ: پنجاب میں 9 ہزار افراد واچ لسٹ میں شامل، 19 ہزار سے زائد درسگاہوں کی جیو ٹیگنگ مکمل

لاہور (ڈیلی اردو مانیٹرنگ ڈیسک) پاکستان میں دہشت گردی کی حالیہ لہر کے پیش نظر پنجاب میں متحرک 9 ہزار سے زائد افراد کو واچ لسٹ میں شامل کر لیا گیا۔

کاؤنٹر ٹیررزم ڈیپارٹمنٹ کے مطابق پنجاب میں متحرک 9 ہزار سے زائد افراد واچ لسٹ میں شامل کر دیا گیا ہے جبکہ 9883 افراد کی باقاعدہ نگرانی شروع کردی گئی۔ پنجاب میں 2298 افغان تربیت یافتہ افراد موجود ہیں۔

سی ٹی ڈی ریکارڈ کے مطابق پنجاب میں 2298 افغان تربیت یافتہ نوجوان موجود ہیں، مقامی طور پر عسکریت پسندی کی تربیت لینے والے 1566 نوجوانوں کی نشاندہی بھی کرلی گئی، افغان جیلوں سے رہا ہو کر آنے والے 540 افراد کی نگرانی شروع کردی گئی۔

سی ٹی ڈی حکام کے مطابق لسٹ میں گوانتانامو بے جیل سے رہائی پانے والے 22 افراد کو بھی شامل کرلیا گیا ہے جبکہ شام سے واپس آنے والے 65 افراد بھی کو واچ لسٹ میں شامل کرلیا گیا ہے۔ 753 عسکریت پسندوں کو واچ لسٹ میں شامل کیا گیا۔

دوسری جانب حکام کا یہ بھی کہنا ہے کہ واچ لسٹ میں شامل کیے گیے افراد کسی نہ کسی کالعدم تنظیم یا گروپ سے منسلک ہیں۔