سوات میں دہشت گردوں کی فائرنگ سے دو پولیس اہلکاروں سمیت 3 افراد ہلاک

سوات (ر ش) صوبہ خیبرپختونخوا کے سیاحتی ضلع سوات میں دہشت گردوں کی فائرنگ سے دو پولیس اہلکاروں سمیت تین ہلاک ہو گئے۔

19) Teḥrīk-e-Ṭālibān Pākistān claims responsibility for killing 2 policemen in the Mingora city of Swat district. https://t.co/1Z1d4gMTPx

— ???? (@cozyduke_apt29) June 8, 2023

سماجی رابطے کی ویب سائٹ پر جاری بیان میں پولیس نے بتایا کہ سوات مینگورہ میں نامعلوم دہشت گردوں کی فائرنگ سے کانسٹیبل اشرف علی اور کانسٹیبل عمرا خان شہادت کے عظیم مرتبے پر فائز ہو گئے۔

سوات مینگورہ میں نا معلوم شرپسندوں کی فائرنگ سے کانسٹیبل اشرف علی اور کانسٹیبل عمرا خان شہادت کے عظیم مرتبے پر فائز ہو گئے۔ pic.twitter.com/j2FpPDyUDo

— KP Police (@KP_Police1) June 8, 2023

محکمہ پولیس کے پبلک ریلشنز افسر کے مطابق مینگورہ میں سبزی منڈی کے قریب پولیس اہلکار ڈیوٹی پر تھے کہ نامعلوم مسلح افراد نے ان پر فائرنگ کر دی، جس کے نتیجے میں دونوں پولیس اہلکار موقع پر ہی ہلاک ہوگئے جبکہ ایک بینک کا سیکیورٹی گارڈ زخمی ہوگیا۔

ڈی پی او سوات نے بتایا کہ بعد ازاں، سیکیورٹی گارڈ نے زخموں کے تاب نہ لاتے ہوئے ہسپتال میں دم توڑ دیا۔

مزید بتایا گیا کہ مسلح افراد موقع سے فرار ہوگئے، پولیس نے علاقے کو گھیرے میں لے کر سرچ آپریشن شروع کردیا ہے۔

حملہ آوروں کی سی سی ٹی وی فوٹیج بھی سامنے اگئی جس میں حملہ آوروں کو فائرنگ کے بعد فرار ہوتے دیکھا جاسکتا ہے۔

https://twitter.com/Natsecjeff/status/1666736295438319616?t=x4asaS3hJsvparM1Ls1YjQ&s=19

پولیس کی جانب سے علاقوں کو گھیرے میں لیکر حملہ آوروں کی گرفتاری کے لئے سرچ آپریشن جاری ہے جب کہ تین مشکوک افراد کو گرفتار کرلیا گیا ہے۔

ادھر حملے کی ذمہ داری کالعدم تنظیم تحریک طالبان پاکستان نے قبول کرلی۔

متاثرین کے اہل خانہ نے مینگورہ سوات کی مرکزی سڑک کو بلاک کر دیا اور مطالبہ کیا کہ یہ وہ یہاں سے اُس وقت تک لاشیں نہیں ہٹائیں گے جب تک مجرموں کو گرفتار نہیں کیا جاتا۔

بعد ازاں، ڈی پی او سوات کی جانب سے یقین دہانی کے بعد احتجاج ختم کر دیا گیا۔