سیکیورٹی خدشات: یوم علیؑ کے موقع پر پنجاب میں ڈبل سواری پر پابندی عائد

لاہور (ویب ڈیسک) حکومت پنجاب نے صوبے بھر میں دو روز کے لیے موٹر سائیکل کی ڈبل سواری پر پابندی عائد کردی۔

محکمہ داخلہ پنجاب نے دہشت گردی کے خدشات کے پیش نظر صوبائی دارالحکومت میں یوم حضرت علیؓ کے موقع پر 2 یوم کے لیے ڈبل سواری پر پابندی عائد کردی ہے۔

تفصیلات کے مطابق محکمہ داخلہ پنجاب نے دہشت گردی کے خدشات کے پیش نظر لاہور سمیت صوبے بھر میں یوم حضرت علی ؓ کے موقع پر 2 روز کے لیے ڈبل سواری پر پابندی عائد کردی۔

اس حوالے سے ایڈیشنل چیف سیکریٹری داخلہ پنجاب سید علی مرتضیٰ کی جانب سے باضابطہ نوٹیفکیشن جاری کردیا گیا ہے جس کے مطابق ڈبل سواری پر پابندی 20 اور 21 رمضان المبارک کو ہوگی۔

پابندی سے صحافی، خواتین اور بزرگ افراد مستثنیٰ ہوں گے، ڈبل سواری کی پابندی کی درخواست ڈپٹی کمشنر لاہور کی جانب سے دی گئی تھی۔