شمالی وزیرستان میں سیکورٹی فورسز کی چیک پوسٹ پر خودکش کار بم دھماکا، 5 اہلکار زخمی، 2 کی حالت تشویشناک

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں سکیورٹی فورسز کی ایک چیک پوسٹ پر ہونے والے مبینہ خودکش حملے میں پانچ اہلکار زخمی ہو گئے ہیں۔

شمالی وزیرستان کی تحصیل میرعلی میں ایک خودکش حملے میں پانچ سیکیورٹی اہلکار زخمی ہوگئے، مقامی ذرائع کا کہنا ہے کہ گاڑی میں سوار مبینہ خودکش حملہ آوار نے بارود سے بھری گاڑی چیک پوسٹ سے ٹکرا دی۔ 2 اہلکاروں کی حالت تشویشناک بتائی جاتی ہے۔#Mirali #NorthWaziristan #Pakistan

— Shabbir Hussain Turi (@ShabbirTuri) December 28, 2022

سرکاری ذرائع کے مطانق شمالی وزیرستان کی تحصیل میرعلی پائی پاس روڈ پر خودکُش حملہ آور نے ایک فیلڈر گاڑی کو اس وقت سکیورٹی فورس کے چیک پوسٹ سے ٹکرا دیا جب وہاں ایک درجن سے زیادہ اہلکار موجود تھے۔

ذرائع کا کہنا تھا کہ حملے میں پانچ اہلکار زخمی ہوئے ہیں، زخمیوں کو میرعلی ہسپتال منتقل کردیا گیا۔ زخمیوں میں سے دو کی حالت تشویشناک بتائی جاتی ہے۔

سکیورٹی فورسز نے علاقے کو گھیرے میں لیکر سرچ آپریشن شروع کردیا۔

ذرائع کا کہنا تھا کہ دھماکے سے چیک پوسٹ بھی مکمل طور پر تباہ ہوگئی۔

رواں سال شمالی وزیرستان میں یہ نوواں خودکش حملہ ہے۔

اس واقعہ کی ابھی تک کسی گروپ یا تنظیم نے ذمہ داری قبول نہیں کی ہے۔