عمران خان آپ مجھے گرفتار نہیں کر سکتے: حمزہ شہباز

لاہور (نیوز ڈیسک) مسلم لیگ ن کے رہنما حمزہ شبہاز نے کہا ہے کہ آج کسی کی جیت یاہارنہیں ہوئی، قوم میں شعور بیدار ہوا ہے.

ان خیالات کا اظہار انھوں نے اپنی رہائش گاہ کے بعد میڈیا سے گفتگو کرتے ہوئے کیا، انھوں نے کہا کہ ہمارے کارکن قوم کا سرمایہ ہیں.

انھوں‌ نے مزید کہا کہ کارکنان سیسہ پلائی دیوارکی طرح یہاں کھڑے رہے، ن لیگی کارکنان میرا خاندان ہیں، شہباز شریف اور نوازشریف نے قانون کی پاسداری کی.

انھوں‌ نے کہا کہ عدالتوں کا احترام کرتا ہوں، حکم نامہ میرے پاس ہے، آپ اور مجھے مل کر قانون کا احترام کرنا چاہیے، عمران خان! کھلے الفاظ میں آپ کو بتا دینا چاہتا ہوں، آپ مجھے گرفتارنہیں کرسکتے.

اپوزیشن لیڈر، پنجاب کا کہنا تھا کہ شہباز شریف کوبلایا صاف پانی کیس میں، گرفتار آشیانہ میں کیا، شہباز شریف سرخرو ہوئے، ایک پائی کی کرپشن ثابت نہ ہوئی، کسی نے طنز کیا کہ بیسمنٹ اور کسی نے کہا کہ بچوں کی آڑ میں چھپا ہوں.
اللہ نے 20 سال بعد اولاد دی، اس کی لندن میں سرجری تھی، عدالت کی مہلت سے ایک دن پہلے لندن سے واپس پاکستان آگیا تھا، نیب کےطلب کرنے پر پیش ہوتا رہا، ایسی کیا ایمرجنسی تھی کہ دیواریں پھلانگ کر اندر آئے.