غزہ اور یمن میں اسرائیلی فضائی حملے، 5 صحافی سمیت 20 ہلاک، 86 زخمی

غزہ + صنعا(ڈیلی اردو/رائٹرز) غزہ کی پٹی کے جنوبی علاقے میں ایک ہسپتال پر اسرائیلی فضائی حملے میں اطلاعات کے مطابق پانچ صحافیوں سمیت 20 افراد ہلاک ہو گئے۔

ہلاک ہونے والوں میں روئٹرز کے کیمرا مین حسام المصری، ایسوسی ایٹڈ پریس کی فری لانس صحافی مریم ڈگہ اور الجزیزہ سے تعلق رکھنے والا ایک صحافی شامل ہیں۔ 

حماس کے زیر انتظام محکمہ شہری دفاع نے تصدیق کی کہ پہلے حملے میں متعدد افراد ہلاک ہوئے اور دوسرا حملہ ریسکیو اہلکاروں کے پہنچنے پر کیا گیا۔

اسرائیلی فوج نے حملے کی وضاحت میں کہا کہ صحافی ان کا ہدف نہیں تھے اور بے قصور افراد کو نقصان پہنچنے پر افسوس ہے۔ تصاویر میں ہسپتال کی اوپری منزل سے دھواں اٹھتا ہوا دیکھا جا سکتا ہے، جبکہ ہسپتال کے باہر لوگ افراتفری کے عالم میں بھاگتے اور چیختے نظر آئے۔

یمن کے شہر صنعا میں بھی اسرائیلی فضائی حملوں میں چھ افراد ہلاک اور 86 زخمی ہوئے۔ حملے میں صدارتی محل، پاور اسٹیشنز اور آئل کمپنی کے مقامات نشانہ بنائے گئے۔ حوثی حکومت نے حملوں کو "گھناؤنا جنگی جرم" قرار دیا اور ایرانی وزارت خارجہ نے بھی اسے شدید الفاظ میں مذمت کیا۔