غزہ جنگ میں 21 ہزار بچے معذوری کا شکار، امدادی مراکز تقریباً ختم، اقوام متحدہ

نیو یارک (ڈیلی اردو/نیوز ایجنسیاں) اقوام متحدہ کی کمیٹی برائے حقوق معذور افراد نے بدھ کے روز بتایا کہ 7 اکتوبر 2023 سے جاری غزہ پٹی جنگ میں اب تک غزہ میں کم از کم 21,000 بچے معذوری کا شکار ہو چکے ہیں۔

کمیٹی کے مطابق تقریباً 40,500  بچوں کو جنگ سے جڑی چوٹیں آئیں، جن میں سے زیادہ تر مستقل معذوری کا سامنا کر رہے ہیں۔

اسرائیلی فوجی کارروائیوں کے دوران دیے گئے انخلا کے احکامات سماعت یا بصارت سے محروم افراد کے لیے ناقابل رسائی تھے، جس سے ان کے لیے محفوظ انخلا ممکن نہیں تھا۔

کمیٹی نے خبردار کیا کہ ہیومینیٹیرین امداد کی فراہمی میں رکاوٹیں معذور افراد کو شدید متاثر کر رہی ہیں، جنہیں خوراک، صاف پانی اور صفائی کی سہولیات تک رسائی حاصل نہیں ہے۔

اقوام متحدہ کے نظام کے تحت غزہ میں400  امدادی مراکز تھے، جبکہ اب امریکی اور اسرائیلی حمایت یافتہ ’غزہ ہیومینیٹیرین فاؤنڈیشن‘ کے صرف چار امدادی مراکز فعال ہیں۔