لاہور: جیالے متحد رہیں، اچھا وقت آنے والا ہے، سابق آصف زرداری

لاہور (ڈیلی اردو) پیپلزپارٹی کے شریک چیئرمین اور سابق صدر آصف علی زرداری نے کہا ہے کہ جیالے متحد رہیں، اچھا وقت آنے والا ہے، مقدمات کا کوئی خوف نہیں، پہلے بھی عدالتوں میں مقابلہ کیا اب بھی کریں گے۔

میڈیا رپورٹس کے مطابق کے مطابق سابق صدر آصف زرداری نے قمر زمان کائرہ اور چودہدی منظور احمد سے ٹیلی فونک رابطہ کیا ہے، سابق صدر نے پنجاب کی صورتحال اور پارٹی امور پر تفصیلی گفتگو کی۔

سابق صدر آصف علی زرداری نے کہا کہ پنجاب میں جیالے متحد رہیں اچھا وقت آنے والا ہے، ہمیں مقدمات کا کوئی خوف نہیں ہے۔ پہلے بھی عدالتوں میں مقابلہ کیا اور اب بھی کریں گے۔

انہوں نے کہا کہ ہم نے 2008 کے مالی بحران میں مزدوروں اور کسانوں کو سپورٹ کیا تھا۔ وفاقی حکومت صوبوں کو مضبوط بنانے کے بجائے کمزور کر رہی ہے۔

سابق صدر آصف زرداری کا مزید کہنا تھا کہ موجودہ حالات میں حکومت نے کچھ نہ کیا تو خوفناک صورتحال جنم لے سکتی ہے۔