لاہور میں نامعلوم مسلح افراد نے گھر میں گھس کر شیعہ ڈاکٹر کو قتل کردیا

لاہور (ڈیلی اردو) صوبہ پنجاب کے صوبائی حکومت لاہور میں نامعلوم افراد نے گھر میں گھس کر فائرنگ کرکے ایک شیعہ ڈاکٹر کو قتل کردیا۔

پولیس کے مطابق فائرنگ کا واقعہ احباب کالونی میں پیش آیا جہاں نامعلوم افراد کی گھر پر فائرنگ سے آرتھوپیڈک ڈاکٹر فیاض حسین ہلاک ہو گئے۔

پولیس حکام کا بتانا ہے کہ مقتول ڈاکٹر فیاض حسین جنرل اسپتال میں آرتھو پیڈک سرجن تعینات تھے اور ضلع لیہ سے تعلق تھا۔ فائرنگ کی وجوہات کے بارے میں تاحال معلوم نہیں ہو سکا ہے۔

وزیراعلیٰ پنجاب حمزہ شہباز نے ڈاکٹرکے قتل کے واقعے کا نوٹس لیتے ہوئے سی سی پی او لاہور سے رپورٹ طلب کر لی ہے۔

وزیراعلیٰ حمزہ شہباز نے سی سی پی او لاہور کو حکم دیا ہے کہ قتل میں ملوث ملزمان کو جلد گرفتار کر کے قانون کے کٹہرے میں لایا جائے اور انہیں قرار واقعی سزا دی جائے۔

حمزہ شہباز نے متعلقہ حکام کو ہدایت کی کہ مقتول ڈاکٹر کے لواحقین کو ہر صورت انصاف فراہم کیا جائے۔