لاہور: کاہنہ میں دو شادی شدہ بہنیں اغوا کے بعد ذبح

لاہور (ڈیلی اردو) صوبہ پنجاب کے صوبائی دارالحکومت لاہور کے علاقے کاہنہ میں شادی شدہ بہنوں کو اغوا کے بعد ذبح کر کے ہلاک کر دیا گیا۔

پولیس کے مطابق لاہور کے علاقے کاہنہ میں نالے سے دو بہنوں کی گلا کٹی لاشیں برآمد ہوئیں، خواتین کی شناخت عابدہ اور ساجدہ کے نام سے ہوئی، جنہیں بے دردی سے قتل کیا گیا۔

پولیس حکام نے بتایا کہ عابدہ اور ساجدہ دونوں بہنیں ہیں جنہیں اغواء کے بعد ذبح کردیا گیا، دونوں 26 نومبر کو کاہنہ سے اغواء ہوئیں، جب کہ ان کی گلا کٹی لاشیں نالے سے دو روز قبل برآمد ہوئی ہیں، دونوں بہنیں شادی شدہ ہیں۔

دوسری جانب آئی جی پنجاب نے کاہنہ میں خواتین کے اغواء کے بعد قتل کے واقعہ کا نوٹس لیتے ہوئے سی سی پی او لاہور سے رپورٹ طلب کرلی ہے، آئی جی نے ملزمان کو جلد از جلد گرفتار کر کے سخت قانونی کارروائی کا حکم دیتے ہوئے کہا کہ متاثرہ خاندان کو انصاف کی فراہمی ترجیحی بنیادوں پر یقینی بنائی جائے۔