لبنان: اسرائیلی فضائی حملوں میں سینیئر حزب اللہ رہنما سمیت 12 ہلاک، 24 زخمی

بیروت (ڈیلی اردو) لبنان میں اسرائیل کے فضائی حملوں کے نتیجے میں سینیئر حزب اللہ رہنما سمیت کم از کم 12 افراد ہلاک ہو گئے۔

حکام کے مطابق حملے مختلف مقامات پر کیے گئے اور اس دوران متعدد عمارتیں تباہ ہوئیں۔ زخمیوں کی تعداد ابھی تک معلوم نہیں ہو سکی ہے۔

حزب اللہ کی جانب سے جاری ایک بیان میں مشرقی لبنان میں اسرائیلی حملوں میں اپنے ایک رہنما کی ہلاکت کی تصدیق کی گئی ہے۔ گروپ نے حملے میں مارے جانے والے رہنما کی شناخت محمد ياغی صادق کے نام سے کی ہے۔

دوسری جانب لبنانی وزارت صحت نے تصدیق کی ہے کہ ’وادی بیکا میں متعدد مقامات پر اسرائیلی حملوں کے نتیجے میں 10 افراد ہلاک اور 24 دیگر زخمی ہوئے ہیں‘۔ وزارت صحت کے مطابق، زخمیوں میں تین بچے بھی شامل ہیں۔

لبنانی وزارت صحت کے مطابق، یہ حملے ملک کے سب سے بڑے فلسطینی پناہ گزین کیمپ پر اسرائیلی حملے کے چند گھنٹے بعد کیے گئے، جس میں دو افراد ہلاک ہوئے تھے۔