مالدیپ میں دھماکا، سابق صدر شدید زخمی، ہسپتال منتقل

مالے (ڈیلی اردو) مالدیپ میں بم دھماکے کے بعد سابق صدر اور موجودہ پارلیمنٹ کے سپیکر محمد نشید زخمی ہو گئے جنہیں ہسپتال منتقل کر دیا گیا ہے۔

Speaker of Parliament and President Mohamed Nasheed has been rushed to ADK Hospital after an explosion went off as he was about to enter his car tonight.@AzzamAmeen pic.twitter.com/D672AtC4Jy

— auxam ???????? (@auxamu) May 6, 2021

فرانسیسی خبر رساں ادارے اے ایف پی کی رپورٹ کے مطابق مالدیپ ڈیموکریٹک پارٹی نے بتایا کہ دھماکا اس وقت ہوا جب مالدیپ کے 53 سالہ سابق صدر گاڑی میں سوار ہو رہے تھے۔

حکام نے بتایا کہ تحقیقات جاری ہیں، یہ دھماکا ڈیوائس کے ذریعے کیا گیا، اور قوی امکان ہے کہ یہ موٹر سائیکل میں نصب تھا۔

اے ایف پی کے مطابق سابق صدر کی حالت تشویشناک ہے، جبکہ ان کا ایک باڈی گارڈ بھی زخمی ہوا جسے ہسپتال منتقل کر دیا گیا ہے۔

اے ایف پی کے مطابق شہریوں کا کہنا ہے کہ دھماکا اس قدر خوفناک تھا کہ اس کی آواز پورے دارالحکومت میں سنی گئی۔

دوسری طرف مالدیپ کے وزیر خارجہ عبد اللہ شاہد نے بم دھماکے کی مذمت کی ہے۔

Strongly condemn the attack on Speaker of Parliament, President @MohamedNasheed this evening. Cowardly attacks like these have no place in our society. My thoughts and prayers are with President Nasheed and others injured in this attack, as well as their families.

— Abdulla Shahid (@abdulla_shahid) May 6, 2021

ٹویٹر پر اپنے ایک بیان میں انہں نے کہا کہ اس طرح کے حملے کی ہمارے معاشرے میں کوئی جگہ نہیں، میری دعائیں سابق صدر اور ان کے اہل خانہ کے ساتھ ہیں۔