میانوالی میں پنجاب پولیس پر دہشتگردوں کا حملہ ناکام

لاہور (ڈیلی اردو) صوبہ پنجاب کے ضلع میانوالی میں 12 دہشتگرد پولیس مقابلے کے بعد فرار ہو گئے۔

ترجمان پنجاب پولیس کے مطابق دہشتگردوں کے خلاف سرچ آپریشن کے دوران فائرنگ کا تبادلہ ہوا۔

ترجمان پنجاب پولیس کے مطابق میانوالی کے تھانہ مکڑوال کے پہاڑی علاقے میں دہشتگردوں کی موجودگی پر تھانہ عیسیٰ خیل، مکڑوال اور کمرمشانی کی پولیس نے سرچ آپریشن کیا، لمشی وال اور مکڑوال میں پاکستان مائنز کے قریب دہشتگردوں نے پولیس پارٹی پر فائرنگ کردی۔

ترجمان نے بتایاکہ 2 گھنٹے دو طرفہ فائرنگ کے بعد دہشتگرد کوہ میدان خیبرپختونخوا کی طرف فرار ہوگئے۔

آئی جی پنجاب ڈاکٹر عثمان انور کا کہنا ہے کہ دہشت گردوں کے ناپاک عزائم خاک میں ملا کر دم لیں گے۔