وزارت داخلہ نے آٹومیٹک اسلحہ لائسنس سے پابندی اٹھا لی

اسلام آباد (ڈیلی اردو) آٹومیٹک اسلحہ لائسنس پر پابندی کا فیصلہ واپس لے لیا گیا۔ وفاقی حکومت نے گزشتہ دور حکومت میں اٹومیٹک اسلحہ لائسنس پر لگائی جانے والی پابندی ختم کردی ہے۔ وزارت داخلہ نے آٹو میٹک اسلحہ لائسنس کی بحالی کا نوٹیفیکشن جاری کر دیا۔

تفصیلات کے مطابق وزارت داخلہ نے آٹومیٹک اسلحہ لائسنس سے پابندی اٹھا لی۔اسلحہ لائسنس عام بندہ نہیں صرف اعلیٰ حکومتی عہدیدار، وزرا یا بیوروکریٹس ہی لے سکیں گے۔

بیرون اور اندرون ممالک سے تحفے کی مد میں آنیوالے اسلحہ کو بھی لیگل کراسکیں گے۔

صدر، وزیراعظم، وزرا، چیئرمین سینیٹ، سپیکر قومی اسمبلی، گورنر، وزرا اعلیٰ لائسنس لے سکیں گے۔

گریڈ 22کے افسر، سرکاری ادارے اور دیگر قانون نافذ کرنیوالے اداروں کو بھی لائسنس مل سکیں گے۔

وزارت داخلہ کی جانب سے نوٹیفکیشن جاری کردیا گیا۔