پشاور: وزیراعلیٰ محمود خان کے ساتھ کوئی اختلاف نہیں، گورنر شاہ فرمان

پشاور(ڈیلی اردو) گورنر خیبر پختوا شاہ فرمان نے کہا ہے کہ وزیراعلیٰ خیبر پختونخوا محمود خان کے ساتھ کوئی اختلاف نہیں، قبائلی اضلاع کی ترقی وخوشحالی کیلئے دونوں ایک پیج پر ہیں۔

تفصیلات کے مطابق گورنر خیبر پختوا شاہ فرمان نے کہا ہے کہ وزیراعلیٰ کے ساتھ کوئی اختلاف نہیں، قبائلی اضلاع کی ترقی وخوشحالی کیلئے دونوں ایک پیج پرہیں۔

گورنر خیبر پختونخوا کا کہنا تھا کہ محمود خان صوبے کے چیف ایگزیکٹو ہیں،انہیں آئی جی اور چیف سیکرٹری کے تبادلے کا مکمل طور پر اختیار حاصل ہے، وزیراعلیٰ نے اپنا اختیار استعمال کیا۔

واضح رہے کہ گزشتہ روز میڈیا میں خبریں گردش کرتی رہی ہیں کہ گورنر خیبر پختونخوا شاہ فرمان اور وزیراعلیٰ خیبر پختونخوا محمود خان میں اختیارات کی جنگ چل رہی ہے، گورنر قبائلی اضلاع میں تین محکے لینے پر بضد ہیں جبکہ وزیر اعلیٰ بھی اختیارات نہ دینے پر بضد ہیں۔