پنجاب: بہاولنگر کے مرکزی امام بارگاہ پر دستی بم حملہ

اسلام آباد (ش ح ط) صوبہ پنجاب کے ضلع بہاولنگر میں مرکزی امام بارگاہ پر دستی بم سے حملہ کیا گیا۔

تفصیلات کے مطابق بہاولنگر کے مرکزم امام بارگاہ میں پرچم کشائی ہو رہی تھی کہ موٹر سائیکل پر سوار نامعلوم مسلح افراد دستی بم پھینک کر فرار ہوگئے۔

پولیس حکام کے مطابق دستی بم زوردار دھماکے سے پھٹا۔ تاہم کوئی جانی نقصان نہیں ہوا ہے۔

ذرائع کے مطابق دستی بم حملے کا واقعہ بہاولنگر کے شہر میں پیش آیا جہاں شیعہ مرکزی مسجد و امام بارگاہ کے پر نامعلوم دہشت گردوں نے دستی بم پھیک کر فرار ہوگئے۔ بم پھٹنے سے امام بارگاہ کو شدید نقصان پہنچا، دھماکے سے امام بارگاہ میں کھڑکیوں کے شیشے ٹوٹ گئے۔ دھماکے کی اطلاع ملنے پر اہل تشیع حضرات کی بڑی تعداد مرکزی امام بارگاہ پہنچ گئے اور لبیک یا حسینؑ کی آواز بلند کرتے رہے۔

بہاولنگر مرکزی امام بارگاہ میں ہینڈ گرنیڈ بم دھماکے کے بعد عزاداروں کی بڑی تعداد مرکزی امام بارگاہ کے باھر پہنچ گئی
قانون نافذ کرنے والے اداروں نے سکیورٹی معاملات سنبھال لیے
افغانستان کی صورتحال کو مدنظر رکھتے ہوئے پاکستان کے سکیورٹی اداروں کو محرم میں سخت سکیورٹی دینی ہوگی pic.twitter.com/q9XMuwvbLH

— Syed Ahsan Abbas Rizvi (@AhsanAbbasShah) August 6, 2021

حملے کے سبب علاقے میں خوف و ہراس پھیل گیا۔

ریسکیو ٹیمیں جائے وقوع پر پہنچ گئی جبکہ پولیس، ضلعی انتظامیہ اور قانون نافذ کرنے والے اداروں کے اہلکارں نے علاقے کو گھیرے میں لے لیا ہے۔

واقعہ سے متعلق مزید تحقیقات جاری ہے۔

تین روز قبل ضلع رحیم یار خان کے علاقے بھونگ شریف میں شیعہ آبادی میں واقع امام بارگاہ پر بھی حملہ کیا تھا اور وہاں نصب علم کو بھی نذرِ آتش کر دیا تھا۔