04/September/2023

پنجاب میں سی ٹی ڈی کی کارروائیاں، داعش کے دو کمانڈروں سمیت 7 ‘دہشت گرد’ گرفتار

👁️ 29 بار دیکھا گیا

ایڈمن
امریکا
پنجاب میں سی ٹی ڈی کی کارروائیاں، داعش کے دو کمانڈروں سمیت 7 ‘دہشت گرد’ گرفتار

پنجاب میں سی ٹی ڈی کی کارروائیاں، داعش کے دو کمانڈروں سمیت 7 ‘دہشت گرد’ گرفتار

لاہور (بیورو رپورٹ) کاؤنٹر ٹیررازم ڈپارٹمنٹ (سی ٹی ڈی) نے کالعدم تنظیم داعش کے 2 اہم کمانڈرز سمیت 7 دہشت گرد گرفتار کر لیے۔

تفصیلات کے مطابق سی ٹی ڈی نے صوبہ پنجاب کے اضلاع گوجرانوالہ، سرگودھا، فیصل آباد اور بہاولپور میں کارروائیاں کرتے ہوئے انٹیلیجنس بیسڈ آپریشن کے دوران 7 دہشت گرد گرفتار کر لیے۔

سی ٹی ڈی حکام کے مطابق گوجرانوالہ سے داعش کے 2 اہم کمانڈر شاہد اور سیف گرفتار کیے گئے، دہشت گردوں سے بارودی مواد، ہینڈ گرینڈ، ڈیٹو نیٹر، اور دیگر اسلحہ برآمد ہوا، دہشت گردوں کے خلاف مقدمات درج کر کے تفتیش کی جا رہی ہے۔

ترجمان سی ٹی ڈی کے مطابق دیگر پانچ دہشت گردوں کی شناخت فیاض، ملازم، شاہد، سیف، رفیع ، عربی اور قاری اطہر کے نام سے ہوئی ہے۔

ترجمان سی ٹی ڈی کا کہنا ہے کہ دہشت گردوں کے خلاف مقدمات درج کرکے مزید تفتیش جاری ہے۔

سی ٹی ڈی حکام کا کہنا ہے کہ رواں ہفتے 240 کومبنگ آپریشنز کے دوران 65 مشتبہ افراد گرفتار کیے گئے، جب کہ کومبنگ آپریشنز میں 12 ہزار 230 افراد سے پوچھ کچھ کی گئی۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C