چارسدہ میں نستہ پولیس اسٹیشن کے مرکزی دروازے پر دھماکا، ایک اہلکار ہلاک

چارسدہ (نمائندہ ڈیلی اردو) خیبرپختونخوا کے ضلع چارسدہ کے پولیس اسٹیشن نستہ کے مرکزی دروازے پر دھماکے کے نتیجے میں ایک پولیس اہلکار ہلاک ہوگیا ہے۔

https://twitter.com/ShabbirTuri/status/1520043904317665281?t=_MVmpIl6fl4I7sq7bSGGfA&s=19

پولیس ذرائع کا کہنا ہے کہ پولیس اسٹیشن نستہ پر دستی بم سے حملہ کیا گیا ہے۔ جس کے نتیجے میں ایک پولیس اہلکار ہلاک اور ایک شہری زخمی ہوگیا۔ جبکہ ہلاک پولیس اہلکار کی شناخت رحم بادشاہ کے نام سے ہوئی جس کا تعلق چارسدہ کے علاقے بہلولہ سے ہے۔

تھانہ نستہ دھماکے میں شہید پولیس اھلکار رحم بادشاہ کی نماز جنازہ پولیس لائن میں ادا کردی گئ۔
نمازجنازہ میں ڈی پی او چارسدہ سہیل خالد۔وزیرقانون فضل شکور خان، سرکل ڈی ایس پیز، ایس ایچ اوزاور تاجر برداری نے شرکت کی۔شہید اھلکار رحم بادشاہ کی میت کو آبائی علاقے خانمائی منتقل کردیا گیا pic.twitter.com/OgcAUlAYk8

— Charsadda Police (@PoliceCharsadda) April 29, 2022

پولیس ذرائع کا کہنا ہے کہ نعش اور ایک زخمی کو ڈی ایچ کیو ہسپتال منتقل کر دیا گیا ہے۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

ترجمان محمد خراسانی نے دعوی کیا ہے کہ مجاہدین نے چارسدہ میں نستہ تھانے پر مائن حملہ کیا جس میں تین پولیس اہلکار ہلاک اور متعدد زخمی ہوئےـ

حملہ تھانے کے اندر نصب کئے گئے ریمورٹ کنٹرول بم کے ذریعے کیا گیا جس سے تھانے کا گیٹ مکمل تباہ اور اندرونی کچھ حصہ بھی تخریب کا نشانہ بنا۔