ڈیرہ اسماعیل خان: دہشت گردوں کی فائرنگ سے ہیڈ ماسٹر ہلاک

ڈی آئی خان (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع ڈیرہ اسماعیل خان میں نامعلوم مسلح دہشت گردوں نے گورنمنٹ ہائی سکول حاجی موڑہ کے ہیڈ ماسٹر نیاز علی کو فائرنگ کر کے ہلاک کر دیا۔

مقامی ذرائع کے مطابق، مقتول موٹر سائیکل پر ضلع ٹانک جا رہا تھا کہ اسے ہتھلہ کلاچی کے قریب حملے کا نشانہ بنایا گیا۔ نیاز علی خیبر پختونخوا کے ضلع ٹانک کے علاقے گل امام کے رہائشی تھے۔

یہ واقعہ علاقے میں سیکیورٹی خدشات کو دوبارہ اجاگر کرتا ہے، جہاں دہشت گرد تعلیمی اداروں کے اہلکاروں اور مقامی افراد کو مسلسل نشانہ بنا رہے ہیں۔ 

پولیس نے واقعے کی تحقیقات شروع کر دی ہیں اور ملزمان کی تلاش جاری ہے۔