ڈیرہ اسماعیل خان میں دہشت گردوں نے محکمہ زراعت کے دو افسران کو اغوا کرلیا

اسلام آباد (ش ح ط) صوبہ خیبرپختونخوا کے ضلع ڈیرہ اسماعیل خان کی تحصیل کلاچی کے سرکاری دفتر سے محکمہ زراعت کے دو افسران کو دہشت گردوں نے اغوا کرلیا ہے۔

ڈیرہ اسماعیل خان: کلاچی سٹی میں دہشت گردوں نے محکمہ زراعت کے ڈائریکٹر حسین احمد اور ڈپٹی ڈائریکٹر محمد شاہد کو سرکاری دفتر سے اغواء کر لیا ہے، 9/10 موٹر سائیکلوں پر سوار مسلح جتھے نے محکمہ زراعت کے ڈائریکٹر اور ڈائریکٹر کو اغوا کر کے نامعلوم مقام پر لے گئے۔#DIKhan #Pakistan

— Shabbir Hussain Turi (@ShabbirTuri) May 7, 2023

پولیس ذرائع کے مطابق اغوا ہونے والوں میں حسین احمد ڈسٹرکٹ ڈائریکٹر زراعت ٹانک اور محمد شاہد ڈپٹی ڈائریکٹر زراعت ٹانک شامل ہیں۔ افسران کو 8 سے 10 موٹرسائیکل سوار ملزمان نے اغوا کیا ہے۔

واقعے کی اطلاع ملتے ہی پولیس و سیکیورٹی اداروں نے علاقے کو گھیرے میں لے کر سرچ آپریشن شروع کر دیا۔

ابھی تک کسی تنظیم یا گروپ نے اُن افسران کے اغوا کی ذمہ داری قبول نہیں کی ہے۔