ڈیرہ اسماعیل خان میں سیکیورٹی وین پر دہشت گردوں کا حملہ، 4 کروڑ روپے لے اڑے، گاڑی نذر آتش

ڈی آئی خان (ڈیلی اردو/ٹی این این) صوبہ خیبر پختونخوا کے ضلع ڈیرہ اسماعیل خان میں ٹانک روڈ، کنوڑی کے قریب مسلح دہشت گردوں نے ایک نجی سیکیورٹی وین کو لوٹ لیا۔ ملزمان نے وین کے عملے کو چھوڑ دیا اور وین میں موجود 4 کروڑ روپے لے گئے۔ اس کے بعد، ملزمان نے وین کو آگ لگا دی۔

وین میں موجود پانچ سیکیورٹی اہلکاروں کی شناخت محمد رمضان، محمد حمید، عنایت، اللہ نواز، اور محمد اقبال کے نام سے ہوئی ہے۔ بینک انتظامیہ نے پولیس کو اطلاع نہیں دی اور ابھی تک ایف آئی آر درج نہیں ہوئی ہے۔

مزید برآں، 25 سے زائد افراد نے وین کو یرغمال بنا کر اغوا کیا۔ پولیس نے تفتیش شروع کر دی ہے اور مزید تفصیلات کے منتظر ہیں۔