کابل میں فری اینڈ فیئر الیکشن فورم افغانستان کے سربراہ فائرنگ سے ہلاک

کابل (ڈیلی اردو) افغانستان کے فری اینڈ فیئر الیکشن فورم کے سربراہ یوسف راشد نامعلوم افراد کے حملے میں ہلاک ہوگئے ہیں۔

افغان میڈیا کے مطابق دارالحکومت کابل میں آج ہونے والے دوسرے افسوسناک واقعے میں افغانستان کے فری اینڈ فیئر الیکشن فورم کے سربراہ یوسف راشد ہلاک ہوگئے۔

یوسف رشید رییس اجرایی فیفا در حملۀ افراد مسلح در کابل جان باختhttps://t.co/xcA20NFZnW pic.twitter.com/aNQEaRMcTm

— TOLOnews (@TOLOnews) December 23, 2020

افغان میڈیا کے مطابق کابل کے علاقے ٹنی کوٹ میں نامعلوم مسلح افراد کی جانب سے افغانستان کے فیر اینڈ فیئر الیکشن فورم کے سربراہ یوسف راشد کی گاڑی کو اس وقت نشانہ بنایا جب وہ صبح کے وقت دفتر جارہے تھے۔

یوسف راشد کے بھائی کا کہنا ہے کہ مسلح افراد کی جانب سے ان کی گاڑی پر اندھا دھند فائرنگ کی گئی جس کے نتیجے میں وہ اور ان کا ڈرائیور شدید زخمی ہوئے، جنہیں فوری طور پر قریبی ہسپتال منتقل کیا گیا لیکن یوسف راشد جانبر نہ ہوسکے جب کہ ان کے ڈرائیور کی حالت بھی تشویشناک ہے۔

دوسری جانب پولیس نے بھی ان کی ہلاکت کی تصدیق کردی ہے تاہم کسی گروپ کی جانب سے اب تک حملے کی ذمہ داری قبول نہیں کی۔

خیال رہے یوسف راشد افغانستان کے مشہور سماجی کارکن تھے جو فلاحی کاموں میں بڑھ چڑھ کر حصہ لیتے تھے۔