کراچی: مذہبی رہنما مولانا سلیم کھتری کے قتل میں ملوث زینبیون بریگیڈ کے 2 مبینہ دہشت گرد گرفتار

کراچی (ڈیلی اردو) کراچی میں مولانا سلیم کھتری کے ہلاکت میں ملوث دو دہشت گردوں کو گرفتار کرلیا، جن کا تعلق تعلق ایرانی عسکری تنظیم زینبیون بریگیڈ سے ہے۔

کراچی میں مولانا سلیم کھتری کے قتل میں ملوث ایرانی عسکری تنظیم زینبیون بریگیڈ کے دو مبینہ ملزمان کو گرفتار کرلیا۔ ملزمان کو جعفر طیار اور رضویہ سے گرفتار کیا گیا جبکہ پولیس ذرائع کا کہنا ہے کہ واردات میں سابق رکن پارلیمنٹ کا گن مین بھی ملوث ہے۔#ZainabiyounBrigade #Pakistan

— Shabbir Hussain Turi (@ShabbirTuri) April 6, 2023

پولیس کے مطابق دہشت گردوں کو جعفرطیار اور رضویہ سے گرفتار کیا گی جبکہ ذرائع کا کہنا ہے کہ واردات میں سابق رکن پارلیمنٹ کا گن مین بھی ملوث ہے۔

پولیس ذرائع کا مزید کہنا ہے کہ ملزم فرقہ پرست گروہ کی زینبیون بریگیڈ سے منسلک ہیں جبکہ ملزمان نے انکشاف کیا کہ فرقہ وارانہ ٹارگٹ کلنگ کے لیئے مختلف ٹیمیں شہر میں موجود ہیں۔

پولیس یہ بھی دعویٰ کیا ہے کہ ان ملزمان نے پڑوسی ملک ایران سے تربیت حاصل کی۔ دونوں ملزمان سے مزید تفتیش بھی کی جارہی ہے۔

یاد رہے کہ نیو کراچی میں نامعلوم مسلح موٹر سائیکل سواروں نے فائرنگ کرکے سلیم کھتری کو قتل کردیا تھا۔

پولیس حکام کے مطابق مقتول سلیم کھتری اہلسنت کے رہنما تھے، جنہیں گھر کے باہر نشانہ بنایا گیا۔ ان کے جسم کے مختلف حصوں پر 6 گولیاں ماری گئیں۔