کرم: کالعدم تحریک طالبان نے چمکنی قبائل کے 500 گھروں پر جزوی قبضہ کرلیا

صدہ (نمائندہ ڈیلی اردو) صوبہ خیبر پختونخوا کے قبائلی ضلع کرم میں پاک افغان بارڈر پر واقع چمکنی قبائل کے پانچ سو سے زائد گھرانوں کو کالعدم تحریک طالبان پاکستان کے درجنوں جنگجووٴں نے تین دنوں سے یرغمال بنایا ہے۔

افغانستان کے ننگرہار کے ساتھ واقع سپین غر سلسلہ پر واقعے مانڑو، مانڑو، شکر تنگئی اور ساتھ میں ملحقہ علاقے اس وقت جزوی طور پر تحریک طالبان پاکستان کے قبضے میں چلے گئے ہیں اور علاقے مکین نقل مکانی پر مجبور ہو رہے ہیں۔

یاد رہے کہ گزشتہ روز ‏کرم کے علاقے شکر تنگی میں فرنٹیئر کور کے چیک پوسٹ پر دہشت گردوں کے حملے میں ایک اہلکار ہلاک اور 11 زخمی ہوگئے تھے۔ ہلاک اور زخمیوں اہلکاروں کا تعلق مقامی قبیلے چمکنی سے تھا۔

اس سے قبل ساتین میں ڈی ایس پی شاہین خان کے گاڑی پر دستی بموں سے حملہ کیا گیا تھا۔ ان تمام حملوں کی ذمہ داری کالعدم ٹی ٹی پی قبول کرچکی ہے۔