ہنگو میں فائرنگ کے واقعات میں مولانا فدا لرحمن سمیت 2 افراد ہلاک، 2 زخمی

ہنگو (نمائندہ ڈیلی اردو) صوبہ خیبر پختونخوا کے ضلع ہنگو میں نامعلوم افراد کی فائرنگ سے مولانا فدا الرحمان سمیت دو افراد ہلاک اور دو ہوگئے۔

پولیس کے مطابق، یہ پہلا واقعہ ہنگو کے علاقے خیساری بانڈہ میں پیش آیا، جہاں حملہ آوروں نے مولانا فدا الرحمان کو ٹارگٹ کلنگ کا نشانہ بنایا اور فرار ہونے میں کامیاب ہوگئے۔

پولیس کا کہنا ہے کہ مولانا فدا الرحمان نجی فاؤنڈیشن کے چئیرمین تھے جبکہ پولیس نے واقعے کا مقدمہ درج کرکے تفتیش شروع کردی ہے۔

دوسری جانب ہنگو میں ہی ایک اور افسوسناک واقعہ پیش آیا ہے جہاں نامعلوم افراد کی فائرنگ سے ویلج چیئرمین عنایت اللہ ہلاک اور ان کے 2 ساتھی زخمی ہوگئے۔

ڈی پی او ہنگو نذیر خان کے مطابق زخمیوں کو ڈی ایچ کیو مشتی میلہ پہنچا دیا گیا، علاقے میں ملزمان کی گرفتاری کے لیے سرچ آپریشن جاری ہے۔