یوکرین میں فوجی طیارہ لینڈنگ کے دوران تباہ، کیڈٹس سمیت 22 افراد ہلاک

کیف (ڈیلی اردو) یوکرین کا فوجی طیارہ لینڈنگ کے دوران تباہ ہوگیا جس میں سوار زیر تربیت کیڈٹس سمیت 22 افراد ہلاک گئے۔

عالمی خبر رساں ادارے کے مطابق جمعے کو یوکرین کے دارالحکومت کیف سے چار سو کلو میٹر دور ایک ایئر بیس پر اترنے کے دوران اے این 26 طیارہ تباہ ہوگیا۔ طیارے پر کل 27 افراد سوار تھے جن میں سے 22 فوجی کیڈٹ بتائے جاتے ہیں۔

تفصیلات کے مطابق طیارے پر سوار افراد میں سے دو شدید زخمی ہیں اور ان کی حالت نازک بتائی جاتی ہے۔ مقامی حکام کے مطابق تاحال طیارہ تباہ ہونے کی کوئی وجہ سامنے نہیں آسکی ہے۔

BREAKING: Military plane crashes during training flight in northeast Ukraine pic.twitter.com/09tydqwcah

— BNO News (@BNONews) September 25, 2020

سوشل میڈیا پر حادثے کے بعد کی سامنے آنے والی ویڈیوز میں دیکھا جاسکتا ہے کہ تباہ شدہ طیارے سے شعلے بلند ہورہے ہیں۔