اسرائیلی فوج کا وحشیانہ کریک ڈاؤن، رکن پارلیمنٹ سمیت متعدد فلسطینی گرفتار

رام اللہ (ڈیلی اردو) قابض صہیونی فوج نے فلسطین کے مقبوضہ مغربی کنارے میں آج سوموار کے روز گھر گھر تلاشی کی کارروائیوں کے دوران سابق اسیران اور ایک رکن پارلیمنٹ محمد ابو طیر سمیت متعدد فلسطینیوں کو حراست میں لے لیا۔

مرکز اطلاعات فلسطین کے مطابق اسرائیلی فوج نے رام اللہ البیرہ میں ایک کارروائی کے دوران فلسطینی پارلیمنٹ کے القدس سے بے دخل رکن محمد ابو طیر کے گھر پر چھاپہ مار کارروائی کے دوران انہیں حراست میں لے لیا۔

المجلس التشريعي بغزة يستنكر اعتقال قوات الاحتلال النائب المقدسي المبعد محمد أبو طير، بعد اقتحام منزله فجرًا بمدينة #رام_الله وسط الضفة الغربية المحتلة، مطالبًا بالإفراج العاجل عنه وعن باقي النواب الأسرى. pic.twitter.com/FjcNf76EAs

— المركز الفلسطيني للإعلام (@PalinfoAr) April 13, 2020

ادھر مغربی رام اللہ میں تلاشی کے دوران اسرائیلی فوج نے ابراہیم ابو رداحہ اور مشرقی القیلیہ کے عزون قصبے سے سابق اسیر احمد موسیٰ، البیرہ سے شادی محمد حسانہ اور بیت لحم سے متعدد فلسطینیوں کو حراست میں لے لیا۔

قابض فوج نے 69 سالہ حماس رہ نما محمد ابو طیر کو اکتوبر 2010ء کو القدس سے بے دخل کر دیا تھا۔