اسلام آباد سے بھارتی ایجنسی ‘ را’ کے دو دہشت گرد گرفتار

اسلام آباد (ڈیلی اردو) وفاقی دارالحکومت اسلام آباد میں کاؤنٹر ٹیررزم ڈیپارٹمنٹ (سی ٹی ڈی) نے کارراوائی کرتے ہوئے 2 دہشتگردوں کو گرفتارکر لیا۔ انکشاف ہوا ہے کہ ملزمان کا تعلق بھارتی خفیہ ایجنسی را سے ہے۔

اسلام آباد میں سی ٹی ڈی نے خفیہ اطلاع پر 2 دہشت گردوں کو گرفتار کیا، ملزمان میں معیز احمد اور مہران یونس شامل ہیں۔

گرفتار ملزمان سے ایک کلو سے زائد بارودی مواد، ڈیٹونیٹر، پرائما وائر، ڈیٹونیٹر اور پستول برآمد ہوا۔

ذرائع کا کہنا ہے کہ ملزمان نے اپنا تعلق بھارتی ایجنسی ”را“ سے ہونے کا انکشاف کیا ہے۔

ملزمان کی جانب سے سیاسی اور مذہبی شخصیات کی ریکی کرنے کا انکشاف بھی ہوا ہے۔

گرفتاری کے بعد ملزمان کو تھانہ سی ٹی ڈی منتقل کرکے انسداد دہشت گردی ایکٹ کےتحت مقدمہ درج کیا گیا۔