ایران میں پانچ ہزار قیدیوں کیلئے عام معافی کا اعلان

تہران (ڈیلی اردو) ایرانی سپریم لیڈر آیت اللہ علی خامنہ ای نے پانچ ہزار زائد قیدیوں کے ليے عام معافی کا اعلان کيا ہے۔

تفصیلات کے مطابق خامنہ ای کی سرکاری ويب سائٹ پر جاری بیان میں قیدیوں کی رہائی کا اعلان کیا گیا۔

ایرانی سرکاری ٹیلی ویژن کے مطابق جوڈیشری پاور کے چیئرمین ابراہیم رئیسی کی جانب سے سول و عسکری عدالتوں کی جانب سے سزائیں صادر کیے جانے والے 5 ہزار 156 قیدیوں کی سزاؤں میں نرمی اور ان کو معافی دینے پر مبنی تجویز کو آيت اللہ علی خامنہ نے قبول کر لیا۔

فوری طور پر معاف کیے جانے والے افراد کی شناخت واضح نہیں اور نہ ہی یہ کہ ان کی سزا کی مدت کم کی گئی ہے یا انہیں رہا کر دیا جائے گا۔ یہ اعلان امام رضا کی تاریخ پیدائش کے احترام میں کیا۔

ایرانی منشور کی 110 شق کی رُو سے آیت اللہ علی خامنہ کو قیدیوں کو عام معافی دینے کا حق حاصل ہے۔