ایبٹ آباد: عدالت نے تحریک لبیک کے 80 کارکنان کو جوڈیشل ریمانڈ پر جیل بھیج دیا

ایبٹ آباد (ڈیلی اردو) ایبٹ آباد کی انسداد دہشت گردی کی عدالت نے پولیس کی جانب سے تحریک لبیک پاکستان (ٹی ایل پی) کے گرفتار 80 کارکنان کے جسمانی ریمانڈ میں توسیع کی درخواست مسترد کرتے ہوئے انہیں 14 روزہ ریمانڈ پر ہری پور سینٹرل جیل منتقل کرنے کا حکم دے دیا۔

نجی ٹی وی چینل ڈان نیوز کے مطابق پولیس نے ٹی ایل پی کارکنوں کو دو روزہ جسمانی ریمانڈ مکمل ہونے پر اے ٹی سی جج سجاد احمد کے روبرو پیش کیا۔

انہوں نے عدالت سے استدعا کی کہ ملزمان کا مزید 2 روز کا ریمانڈ دیا جائے تاکہ ان سے آتش زنی، فائرنگ، سرکاری و نجی املاک کو نقصان پہنچانے اور دہشت گردی کی دیگر کارروائیوں کے الزامات سے متعلق تفتیش کی جاسکے۔

حویلیاں اسٹیشن ہاؤس افسر (ایس ایچ او) ہارون خان نے ڈان کو بتایا کہ تمام ملزمان کو ہری پور سینٹرل جیل منتقل کردیا گیا ہے۔

انہوں نے کہا کہ ٹی ایل پی کے دیگر کارکنوں کی تلاش جاری ہے، جنہوں نے اتوار کی رات تحصیل حویلیاں میں چمبہ پل کے قریب مبینہ طور پر پولیس پر ہتھیاروں، گولیوں اور لاٹھیوں سے حملہ کیا۔

کارکنوں کو جیل کی ’قرنطینہ بیرک‘ میں رکھا گیا تھا۔

ٹی ایل پی کارکنوں کی گرفتاری عید میلاد النبی کے جلوس میں شرکت پر پابندی کے باوجود ہری پور سے حویلیاں کی حدود میں داخل ہونے سے روکنے پر پولیس کے ساتھ جھڑپ کے بعد عمل میں آئی تھی۔

پولیس نے دعویٰ کیا تھا کہ ان کے 33 اہلکار ٹی ایل پی کے کارکنوں کے ہاتھوں زخمی ہوئے، جنہوں نے گاڑیوں اور املاک کو بھی نقصان پہنچایا۔

انہوں نے ٹی ایل پی کے 90 کارکنوں کے خلاف مقدمہ درج کیا تھا جن میں تنظیم کے سربراہ علامہ پولیس نے دعویٰ کیا تھا کہ ان کے 33 اہلکار ٹی ایل پی کے کارکنوں کے ہاتھوں زخمی ہوئے، جنہوں نے گاڑیوں اور املاک کو بھی نقصان پہنچایا۔

انہوں نے ٹی ایل پی کے 90 کارکنوں کے خلاف مقدمہ درج کیا تھا جن میں تنظیم کے سربراہ علامہ سعد رضوی اور رہنما مفتی عمیر الازہری، شفیق امینی اور دیگر بھی شامل ہیں۔

رضوی اور رہنما مفتی عمیر الازہری، شفیق امینی اور دیگر بھی شامل ہیں۔